Design und so…

Wie ja scho erwähnt bini nid grad dr Fan vom PG-Design. Hie mau so paar Bispiu wo grob unger ds Thema „Design“ gö:

Das Biud chunnt eim entgäge wennme ä Nachricht verschickt het. Ja i ha mine Ouge ou nid Trout woni das ds erste mau ha gseh. Dr bescht isch no dases es Animated-Gif isch… Genau, die blinkende und zuckende Biudli wo i de 90er Jahr Totau „Cool“ si gsi wennme sie uf sire „Homepage“ het gha…

Es angers Bispiu wo eim grad ufdr Startsiite entgäge chunnt:

Was faut eim hie uf? Auso me gseht da öppe 4 Überschrifte (Houptüberschrift, Ungertitu, etc.) und sage und schreibe 3 oder sogar 4 verschiedeni Schriftgrössine… und de ersch no abwächselnd. Zersch ä grosse Titu „Alle Regionen“… när ds „Willkommen blabla“ u när chunnt plötzlech ä Riese Titu mitz drin (sehr schön…). Aber isch scho klar, dä Titu isch wichtig, schliesslech geits da um die Choschtepflichtige Agebot vo PG…

Was genau i dem Block ou sehr „schön“ isch, isch fougende Satz:

„Als PartyGuide.ch Member hast Du exklusiv die Möglichkeit das neue CD-Cover von DJ Scaloni (SCANDAL) auszuwählen. (vö. 01.04.07).„

Sensationell dä Satz „(vö. 01.04.07).“ …  Das wär wieni würd schribe: Hans ging nach Hause. (etwa um 17Uhr).