«
»

Wie grusig darf Wärbig sii (Part 3)

By ale1981

Und wiedermau ischmr sones Schmuckstück vo Wärbig ufgfaue. Dasmau hets ds Pascha in Bützberg troffe:

Pascha

Das isch ächt wiedermau es wunderbars Bispiu Marke „Leider Nein“.

  1. Typografisch es Meisterwärch: Mindestens 4 verschiedni Schriftarte, serifi (35 Jahre) und serifelosi Schrifte wächsle sich völlig sinnlos ab. Abgrundeti und nid abgrundeti Schrifte si äbefaus totau vermischt vorhande. Auso aues grundlegendi „Fähler“.
  2. Farbe: Viu zviu ungerschiedlechi Farbe bim Text.
  3. Textfluss: 35 Jahre die erste mit Latino-Floor im OG?! Ahhh nei, das heisst „35 Jahre Pascha“. Nid grad offesichtleh.
  4. I muess nomau uf das „35 Jahre“ zrügcho. Das erschlaht eim fasch! Werum zum tüfu isch da ä serifi Schrift gno worde? U süsch när niene meh. Hiufe.
  5. Simer ehrlech, jede mit minime Kenntniss vomne Grafikprogramm (Photoshop, GIMP, inkscape, Illustrator, whatever) bringt öpis bessers aus das i ungefähr 10 Minute z stang. Ohni z übertribe.

Dieser Beitrag wurde geschrieben von am April 4, 2007 um 6:38 und eingeordnet unter Design, Werbung. Du kannst den Antworten zu diesem Eintrag mit Hilfe des RSS-2.0-Feeds folgen. Du kannst eine Antwort hinterlassen, oder trackback von deiner eigenen Seite

6 Antworten zu „Wie grusig darf Wärbig sii (Part 3)“

  1. Deko sagt:
    April 5, 2007 um 5:23 | Antworten

    Schäisse isch das e gruusigi wärbi. Phuu, zum glück hani ke zit me mi uf Partyguide umeztribe.

    Du wirfsch aber o mit Frömdwörter um di. Hesch du z gfüeu die wo das gmacht hei wüsse was Serife si?

  2. ale1981 sagt:
    April 5, 2007 um 5:31 | Antworten

    hehe ok nächsts mau bringi für jedes „Fremdwort“ no grad es Bispiu, am beste no mit Biudli :)

  3. d.sign sagt:
    April 6, 2007 um 12:31 | Antworten

    ja typografie chame dänk o lehre. zum bispil als polygraf, wi ig das ez gad mache… isch no interessant wi schlächd dasme sone banner cha mache…

  4. toni sagt:
    April 6, 2007 um 1:09 | Antworten

    ok.. isch ja ned schuld vo partyguide.. aber scho recht übel..
    isch sicher im word gmacht worde, ner printscreen.. und denn im paint usgschnitte und fertig isch de perfekti flyer ;)

  5. ale1981 sagt:
    April 6, 2007 um 1:22 | Antworten

    Das isch klar dases nid d Schuld vo PG isch, hani ou scho erwähnt gha, aber sie sötte d Veranstauter vilech chli drzue „zwinge“ schöneri Wärbige zmache. I würd sone Schrott nie uf mire Siite veröffentleche (ussert us Bispiu wie hie: „So nicht“ hehe).
    Übrigens hani grad itz ä neue Itrag gschribe, PG bietet itz a Wärbige z ersteue. :)

  6. Wie grusig darf Wärbig sii (Part 4) « pgwatch sagt:
    Juli 4, 2007 um 9:02 | Antworten

    [...] isch. Und zwar ischs wiedermau eine vom Pascha. Viu muessi drzue nid säge, sisch praktisch aues im letschte Artiku übere Pascha-Fyler gseit worde und das aues giut hiu genau [...]

Eine Antwort schreiben