« Internet Explorer sieht rot, Firefox nicht
Blogs uf PG »

Wer sucht was?

Google bietet ä ziemlech intressante Dienst a namens “trends“. Dert chame luege wenn wie oft nachemne bestimmte Begriff uf google gsuecht isch worde. Und nid nur das, me cha das ou no nach Ortschafte la darsteue. I ha mau chli drmit umegspiut und d Suechbegriffe “partyguide” und “tilllate” gägenang la aträtte. Ds Resultat isch ziemlech intressant.

PG vs Tilllate

Auso, me gseht hie mau dass irgendwenn im 2005 meh Lüüt nach Partyguide gsuecht hei aus nach Tilllate. Ok das allei seit natürlech nonid so viu us. Aber wennmr itz no d Ortschafte ine nä wirds lustig:

Stats

Auso ou hie isch dr rot Bauke steuverträtend für Tilllate und blau für Partyguide. Es isch extrem uffäuig dass vorauem i eher ländlechere Gägende nach Partyguide gsuecht wird und das ou no überwiegend im Kanton Bärn. Wennmr eher i grösseri Städt gö wird plötzlech ou fasch glich viu nach Tilllate gsuecht. I wot itz die Grafike nid unbedingt bewärte, das cha jede so interpretiere wie er wot. I finges eifach no rächt intressant.

Ganz augemein isch google trends ä cooli Sach wome chli drmit cha umespiele.

DIeser Eintrag wurde geschrieben von am April 10, 2007 um 5:15 Uhr nachmittags und eingeordnet unter Allgemein. Du kannst den Antworten zu diesem Eintrag mit Hilfe des RSS-2.0-Feeds folgen. Du kannst eine Antwort hinterlassen, oder trackback von deiner eigenen Seite

14 Antworten zu “Wer sucht was?”

  1. michu sagt:
    April 10, 2007 um 5:34 Uhr nachmittags

    hahahaha ii chume vo herzogenbuchsee läck welli sou suecht uf google nach PG kennt öpper dadresse nid uu wenn au müeste jo das huere viel sii wo das sueche sprich mee aus iide grossstedt … chlii komisch das cha jo fasch nid sii … .. aber jooo ..auso scho no recht interessant .. hmm

  2. michu sagt:
    April 10, 2007 um 5:39 Uhr nachmittags

    ii ha das jetzt au mou gmacht mit däm google trends uu es het ee ganz angeri Grafik vo PG uu Tillate usegspuckt …. tja isch äuä scho nideso gnau weis jo nid uf was das so luegt …

  3. ale1981 sagt:
    April 10, 2007 um 5:41 Uhr nachmittags

    Auso i ha d Suechi no ufd Schwiz igschränkt (obe rächts bi Regions) und wichtig isch natürlech no dasi nach “tilllate” gsuecht ha, mit 3 “l” ;)

  4. mix sagt:
    April 10, 2007 um 10:22 Uhr nachmittags

    ^^ ig wohne o zbuchsi.. *lol*

  5. mix sagt:
    April 10, 2007 um 10:50 Uhr nachmittags

    natürlech isch ds jo nid nur buchsi säuber sondern o di ganz region.. (GA Region Buchsi für Finecom-lüt und haut bi de angere provider die region) .. buchsi isch haut zimlech zentral gläge für füu dörfer

  6. mix sagt:
    April 11, 2007 um 8:15 Uhr vormittags

    auerdings: weme d’begriff umchert (also tilllate zersch u när partyguide), de chunts zimlech angers use^^

  7. Marc sagt:
    April 11, 2007 um 10:54 Uhr vormittags

    Ne, chunnt glich use :) Muesch nume no rächts “Schweiz” uswähle, süsch hesch die internationale Date.

    Interessant wäris, weme d Hits vo zwöi Suechbegriffe chönnti addiere: tilllate + tillate vs. partyguide.

  8. Scorpio sagt:
    April 11, 2007 um 3:23 Uhr nachmittags

    Marc das geit muesch di beide begriffe tillate und tilllate mit eem | trenne. De wird dargsteut wo dr erst ODER dr zwöit Begriff gsuecht isch worde
    Hie süsch e Link zu dere Suechi:
    http://www.google.ch/trends?q=partyguide+%2C+tillate+%7C+tilllate&ctab=0&geo=CH&date=all

  9. Marc sagt:
    April 11, 2007 um 3:59 Uhr nachmittags

    Merci :)
    Hätt nid dänkt, dass die Funktion scho implementiert isch ;) Aber ja, weme d Gebruchsawisig nid list, ischme säuber tschuud *smile*

  10. mix sagt:
    April 11, 2007 um 4:50 Uhr nachmittags

    mh, also weni zersch tilllate u när partyguide due und region schwiz uswähle, de chunt:
    1. Le Locle, Switzerland

    2. Frauenfeld, Switzerland

    3. Neuchatel, Switzerland

    4. Aarau, Switzerland
    [...]

    und umgekehrt das wo dr ale1981 im post het gschribe
    o.O?

  11. Sebi sagt:
    April 11, 2007 um 5:35 Uhr nachmittags

    @mix
    Wenn du zuerst “tilllate, partyguide” eingibst, werden dir die Städte angezeigt, in welchen am meisten nach Tilllate gesucht wurde.

    Gibst du jedoch “partyguide, tilllate” ein, werden die Städte angezeigt, in denen am meisten nach PG gesucht wurde.

  12. mix sagt:
    April 12, 2007 um 9:04 Uhr vormittags

    äbe. chunts jo glich angers use. ;)

  13. Marc sagt:
    April 12, 2007 um 9:38 Uhr vormittags

    Glichi Date, anderi Reihefoug :) Da chame jitz natürlech diskutiere, öb das anders oder glich isch ;-)

  14. $anchor$basketball Betting,final Four,final Four Betting,final Four Gambling,final Four Sports Book,final Four Sportsbook,march Madness,march Madness Betting,march Madness Gambling,march Madness Sports Book,march Madness Sportsbook,ncaa,ncaa Betting,ncaa sagt:
    März 12, 2008 um 1:59 Uhr vormittags

    $anchor$basketball Betting,final Four,final Four Betting,final Four Gambling,final Four Sports Book,final Four Sportsbook,march Madness,march Madness Betting,march Madness Gambling,march Madness Sports Book,march Madness Sportsbook,ncaa,ncaa Betting,…

    $anchor$basketball Betting,final Four,final Four Betting,final Four Gambling,final Four Sports Book,final Four Sportsbook,march Madness,march Madness Betting,march Madness Gambling,march Madness Sports Book,march Madness Sportsbook,ncaa,ncaa Betting,nc…

Eine Antwort hinterlassen