Weni uf PG ir letschti aube ufdr Startsiite da bi „meistbesuchtes Profil“ etc. luege, fautmr öpis uf…
Aber zersch vo vore.
Dass PG ä Ort isch wo sich minderjährigi meitli gärn haubnackt zeige isch ja bekannt, aber ir letschti fautmr am erwähnte Ort äbe ou uf dass sich immer wie meh ou manne ohni viu anne zeige.
Ha eigentlech dänkt nur Froue si so dass sie die ganz ziit bestätigung fürs üssere bruche, aber anschienend geit dä Trend ou zu de Manne übere. Aber hey mau im ärnscht, wie arm isch das wennme sich im Internet uf sore siite muess bestätigung hole?
Und abgseh drvo, isch das dene Lüüt klar dass theoretisch öppe jede Mönsch ufdr Wäut (!!!) sie so cha gseh? Wo simer da? Imne Online-Puff oder was? Im stiiu vo i cha dür d User scrolle, inklusive Foto ohni viu chleider… wie imne Katalog.
Itz im Bispiu vo de Froue, i finge ä Frou söt doch öpis spezieus sii und sie söt sich doch ou nur so (auso haubnackt und sexy posene) amne spezieue maa zeige oder bini da so fausch? Auso i weiss ja nid, isch emu mini istellig. Für mi wird jedi Frou so grad komplett unintressant. Ke maa (mit hirn und niveau) wot ä frou wo scho tuusigi angeri type haub nackt hei gseh.
Aber ja, es geit nur drum dass die Froue (und äbe neuerdings ou manne/buebe) möglechst viu WOWs und Mails mitem inhaut „heey du bisch so gaail imfall“ bechöme. Oder sie hei so grusigi gringe dass sie drvo müesse ablänke mitem nackt Körper.
Sorry aber bi somne Thema woti o garnid objektiv schribe und ds einte oder angere Fluechwort muess da eifach faue.
I finges uf au Fäu ä trurigi entwicklig.
August 13, 2007 um 1:40 |
I mues der eifach 100% rächt gä. Du seisch eifach 1:1 das woni dänke ! I BI NID ALLEI ! Was fürne freud
Es isch armselig die entwicklig a ds luege wie sich de Trend zum Online-Exihibtionismus (ke ahnig wieme das schribt, gloube das sött me onid soviel müesse schribe für dasmes diräkt richtig macht) wändet. Wenn me mau luegt gset me das immer jüngeri sich da zeige, und äbe immer i dene Posene ! I meine … Halloooo .. es isch mängisch scho schlimm gnueg wie sich die Affe aka betrunknigi Type im Usgang verhaute wenn e schöni Frou chunt, aber das me sich no mit 100 Mails pro tag mues la zuespame, wobi i 90 davo „du bisch geil“ steit und i 50 vo äbedene sicher no e „wosch mitmer figge“ ( sorry isch aber so ) steit isch eifach arm. I hoffe me versteit wasi hie haubschlafend ,haub wüetig schribe.
Findes schön das ändlich mau öper seit was sache isch , i hoffe du hesch villi Blogläser und das sich das irgendwenn villecht mau einisch gneug wit verbreitet.