Autobrand @ OpenAir Frauenfeld

Ohja, genau DAS isch dr Titu vore Fotogallerie uf PG!
I ha scho viu blödsinnigi Gallerie gseh uf Partyguide, da bechunnt jede Usflug vo paarne chöpf und jede Strandbsuech ä eigeti Gallerie. Aber dr Brand vo de Outos am Openair ds Frauefeld? Hallo?
PG hetsech wiedermau säuber übertroffe – im negative Sinn natürlech.
Ke ahnig was das ufere Partyföteli-Siite z sueche het. Ke seriösi Partypictures-Siite würd so öpis biete, simer ehrlech.
Genau us sötigne Gründ hani eismau PG mitem Ungerst-Niveau-Fernsehsänder RTL2 vergliche.

Update:
Nachdem dutzendi Lüt (inkl. mir) bi de Kommentär zu dere Gallerie hei häregschribe dases ungerschti isch, isch die Gallery vor churzem anschienend entfärnt worde. Immerhin.