Ok das itz het nid würklech öpis mit Partyguide ztüe. I frage mi nur ob d Verastauter vo au dene Pubfest/Beachpartys/Whatever nid merke dass sie sich chli meh und neus sötte la ifaue? I ha grad vor churzem bim eMeidi gläse wie sone Party ds Kiesen so öppis vo gfloppt het. Und i dänke das wird so witer ga wenn sie sich nüt neus lö la ifaue. Cha mi erinnere wieni vor X Jahre a so Feschtli bi gange und denn immer so Coverbands genannt „Charisma“ oder One-Hit-Wonder-Gruppene wie „Kate Ryan“ oder „Vengaboys“ dert ufträtte si. Und hüt gsehni dr Flyer vom Toppp-Festival ir NPZ-Haue. Und hey, chöit drü mau rate wär dert aues so uftritt…
September 13, 2007 um 7:35 |
schad hani zfrüeh glugt ii häts aber au errate isch jo nid schwär genau die One-Hit-Wonder-Gruppene etc. wo scho vor X Johr sii ufträtte ….. bi mir isch öppe vor 8 Johr gsie so 14 15 16ii woni au no aa sehrigi Partys bi gange uu sit denn hetsech genau NÜT gänderet es isch doch huere trurig … … halt SAUFPARTYS was wosch au me erwarte? …
September 13, 2007 um 7:58 |
isch bi mir genau glich. eifach huere arm und trurig dass sich bi dene sit jahre nüt änderet. vilech floppt das züg ja würklech immer wie meh und de merkesis ja de äuä scho mau.
September 13, 2007 um 10:19 |
naja… immerhin boney M Rednex und geier sturzflug… we die drü a eim abe würde ufträtte würdi sogar derthäre gah
September 14, 2007 um 8:10 |
so fescht loufe haut ufem land immer no guet (siehe bar & pub frutigen oder signou). z kiesen isch eifach z problem, das d lüt vor umgäbig nid uf settigi fescht agwisä si u lieber uf thun oder uf bärn i usgang gö. vorauem we mä für uf kiesen is feschtzäut sowiso z outo mues nä.
u drum floppt di ganzi sach z kiesen äuä o so. wöu d verastauter eifach ires normalä „buure & suuffescht“-programm hei gno u am ne weniger ländlechä ort hei wöuä ifüehrä…
o z barstreet z bärn het ja letscht jahr zersch aues ab 18ni wöuä mache u het nach eim wucheänd scho ä rückzieher gmacht, wöus ohni di 16jährige z weni lüt het gha. de gseht me ja ou weli autersgruppe äuä schüsch meischtens dert isch….
September 14, 2007 um 7:08 |
z barstreet isch z einzig ware wo me no hi geit (hani ämu iz scho vo einige ghört gha) drum wetti z barstreet o wider chlei iz richtige liecht rücke. jules het rächt mit ab 18ni und de nachem erschte weekend wider mit de 16 jährige dinne… nur isch das nid am barstreet gsi sondern vornem jahr o ir npz auso im grund gno vom gliche verastauter wie iz das toppp wird si.
z barstreet isch durchgehend ab 18ni gsi, bis uf dä eint tag wosi de under 18 jährige mau chlei barstreet atmosphäre gönne.
aber i würd säge i bi das jahr o wider am barstreet drbi.. o wenns haut o nümme z gliche isch wie früecher…
ah ja, no zu chise… dert hei si probiert vom name z profitiere was ja offesichtlech überhoupt nid klappet het. aber irgendwie isches im vorus scho chlei klar gsi mit däm programm…
so, fertig gschribe… gli i usgang… aber nid anes barfestival
September 17, 2007 um 8:31 |
*UPDATE* hani grad im internet gseh:
„DER EINTRITT IST AN DIESEM WOCHENENDE AUSNHAMSWEISE AB 16 JAHREN!“
Der ganze Text:
WIR HATTEN HUINDERTE VON ANFRAGEN WARUM DIE MIAMI-BEACHPARTY DIESES JAHR NICHT STATTFINDET!
DIESEM DRUCK HABEN WIR NUN NACHGEGEBEN UND BIETEN NUN AM KOMMENDEN WOCHENENDE (21+22 SEPTEMBER) UNSEREN BESUCHERN AM TOPPP-FESTIVAL IN BERN EIN ZUSAETZLICHES HOUSE SET „REMEMBER THE MIAMI BEACHPARTY“
FREITAG 21. SEPTEMBER: DJ SCALONI
SAMSTAG 22. SEPTEMBER: EROX feat. MC KARIM
DER EINTRITT IST AN DIESEM WOCHENENDE AUSNHAMSWEISE AB 16 JAHREN!
VIEL SPASS!
Quelle: http://www.toppp.ch